O recoñecemento da compatibilidade entre a actividade artística e as prestacións sociais foi evolucionando paulatinamente. Inicialmente, aceptouse que a pensión de xubilación era compatible cos dereitos de propiedade intelectual. Posteriormente, ampliouse para incluír as pensións de xubilación das clases pasivas. Finalmente, conseguiuse que as pensións de xubilación, tanto contributivas como non contributivas, fosen compatibles coas actividades artísticas, sexan por conta allea ou por conta propia.
Que significa compatibilidade?– Cando un artista xubilado, que non se xubilou anticipadamente, realice actuacións, concertos ou sesións, segue cobrando o 100% da súa pensión. É dicir, os días que traballas non se descontan da túa pensión. Non obstante, na súa nómina a empresa descontará o 6% das bases de cotización declaradas como achega solidaria ao sistema.
Cando comezou a aplicarse.- A partir do 1 de abril de 2023.
Non se aplica a compatibilidade.- Cando unha persoa xubilada realice actividades artísticas ademais doutras labores, sexan por conta allea ou por conta propia non relacionadas coa arte, o sistema non aplica deducións na súa pensión. Tamén é válido para aqueles que se xubilen anticipadamente e aínda non teñan cumprida a idade ordinaria de xubilación (67 anos ou 65 anos con 38 anos e 6 meses de cotización).
Casos especiais.- Non será de aplicación a compatibilidade entre a pensión e a actividade artística se o artista xubilado opta por suspender o cobro da pensión durante os períodos nos que realice actividades artísticas. Isto deberá ser comunicado tanto á empresa como ao Instituto Nacional da Seguridade Social. Por exemplo, se o artista desexa seguir contribuíndo a aumentar a porcentaxe da súa base reguladora ao ter aportado un ano adicional completo.
Onde se regula.- No Real decreto lei 1/2023, do 10 de xaneiro, de medidas urxentes en materia de incentivos á contratación laboral e mellora da protección social dos artistas.
